अभिनेत्री कविता नेपाली हाल सगरमाथा बेस क्याम्पमा रहेकी छिन्। उनी संसारकै सर्वोच्च शिखर सगरमाथा आरोहण गर्ने योजनामा छिन्। त्यसका लागि आवश्यक तयारी र तालिम लिन उनी अहिले त्यहाँ पुगेकी हुन्। ‘सगरमाथा आरोहण गर्नु अगाडि अन्य हिमाल चढ्ने र विशेष तालिम प्राप्त गर्नुपर्ने रहेछ,’ उनले बताइन्।
कविताले यो पहिलो पटक सगरमाथा आरोहण गर्ने भने होइन। उनी साना हिमालहरू आरोहण गरेपछि मात्र सगरमाथा चढ्ने योजनामा छिन्। फिल्म ‘एक्लो’ का छायांकनका क्रममा अपर मुस्ताङ पुगेपछि उनको सगरमाथा चढ्ने चाहना जागेको हो।
सगरमाथा आरोहणका लागि ‘एक्लो’ फिल्म युनिटले उनलाई सहयोग गर्ने भएको छ। ‘हाम्रो अभिनेत्रीले यस्तो साहसिक कदम चालेकोमा गर्व महसुस भइरहेको छ,’ कार्यकारी निर्माता विनोद सुवेदी क्षितिजले बताए। ‘कविताका लागि हामीले सकेको सहयोग गर्नेछौं,’ उनले थपे।
कविताको पहिलो फिल्म ‘एक्लो’ हो, जसको निर्देशन प्रदीप शाहीले गरेका छन्। यस फिल्ममा प्रदीप खड्का, विजय लामा, सुनील थापा, दिया पुन, र वेनिशा हमालसहित धेरै चर्चित कलाकारहरूले अभिनय गरेका छन्। बेलायती अभिनेता जेमी बेकनको समेत विशेष भूमिका रहेको यो फिल्म अहिले पोस्ट-प्रोडक्सनको चरणमा छ।
कविता नेपालीलाई डान्सिङ्ग रियालिटी शो विजेता तथा म्युजिक भिडियो र वेब सिरिजमा अभिनय गरेर पनि परिचित बनाइएको छ। सगरमाथा आरोहणको यात्रा उनको जीवनमा नयाँ चुनौती र प्रेरणाको स्रोत बन्ने विश्वास गरिएको छ।
