अष्ट्रेलियामा शिक्षा र माइग्रेसन सेवामा सक्रिय संस्था क्लासिक माइग्रेसनले आफ्नो दोस्रो वर्ष प्रवेश विशेष कार्यक्रमका साथ मनाएको छ। कार्यक्रममा दुई वर्षको यात्रा, समुदायसँगको सहकार्य, र अष्ट्रेलियाको हालको माइग्रेसन नीतिबारे व्यापक छलफल गरिएको थियो।
नेपाली समुदायका अगुवा, व्यवसायी, विद्यार्थी र विभिन्न संघसंस्थाका प्रतिनिधिहरूको उपस्थिति कार्यक्रमको मुख्य आकर्षण बनेको थियो ।
सुरुवाती बाटोदेखि आजसम्म
सञ्चालक निरज श्रेष्ठले संस्थाको सुरुवाती चुनौतीदेखि आजसम्मको प्रगति साझा गर्दै क्लासिक माइग्रेसनले अष्ट्रेलियामा हजारौँ विद्यार्थी र पेशेवरलाई परामर्श, भिसा तथा अध्ययन सहायतामा सघाएको उल्लेख गर्नुभयो।
उहाका अनुसार, राज्य सरकारका पछिल्ला नीति परिवर्तनहरूले कुशल जनशक्तिको माग बढाएको र यसले नेपाली विद्यार्थी र पेशेवरका लागि नयाँ ढोका खोलिदिएको छ।
“हामीले अष्ट्रेलियाको श्रम बजारका माग बुझ्दै विद्यार्थीहरूलाई वास्तविक अवसरतर्फ मार्गदर्शन गर्दै आएका छौँ,”
— निरज श्रेष्ठ, सञ्चालक, क्लासिक माइग्रेसन
विश्वासमा बनेको संस्था
अर्का सञ्चालक विवेक थापाले संस्थाको उपलब्धि समुदायको निरन्तर समर्थन र विश्वासको परिणाम भएको बताउँदै सेवालाई अझ पारदर्शी र परिणाममुखी बनाउन प्रतिबद्धता जनाउनुभयो।
“हामी समुदायको अपेक्षा अनुसार अझ जिम्मेवार र सहज सेवा दिने दिशामा अघि बढिरहेका छौँ,”
— विवेक थापा, सञ्चालक, क्लासिक माइग्रेसन
शिक्षा सहकार्य र करियर अवसर
Canberra College of Business and Technologyका CEO केशव नेपालले क्लासिक माइग्रेसनसँगको सहकार्यले अष्ट्रेलियामा अध्ययनरत नेपाली विद्यार्थीहरूलाई career विकासमा ठोस सहयोग पु-याइरहेको बताउनुभयो।
“हाम्रो साझेदारीले विद्यार्थीहरूलाई गुणस्तरीय शिक्षा र व्यावसायिक अवसरमा जोड्ने काम गरिरहेको छ,”
— केशव नेपाल, CEO, Canberra College of Business and Technology
विशेष अतिथि कृष्ण हमालले अष्ट्रेलियामा नेपाली समुदायको आर्थिक र सामाजिक योगदानबारे तथ्य प्रस्तुत गर्दै युवालाई कानुनी सचेतना र व्यवसायिक योजना तयार गर्न सुझाव दिनुभयो।
सांगीतिक माहोल र सामुदायिक भावना
कार्यक्रममा संगीत, नृत्य र अनुभव साझा सत्रले उत्साहपूर्ण माहोल सिर्जना गरेको थियो। सहभागीहरूले क्लासिक माइग्रेसनको पारदर्शी सेवा र समुदायप्रतिको प्रतिबद्धताको प्रशंसा गरेका थिए ।
अगाडि बढ्ने लक्ष्य
कार्यक्रमको अन्त्यमा संस्थाले आगामी वर्षमा सेवा विस्तार र नयाँ परियोजनाहरू अघि बढाउने योजना सार्वजनिक गर्दै सबै अतिथिहरू र समुदायका सहयोगीहरूलाई धन्यवाद ज्ञापन गर्यो।
सन् २०२३ मा स्थापना भएको क्लासिक माइग्रेसन हाल सिड्नी र क्यानबेरामा कार्यालयमार्फत शिक्षा, भिसा, र माइग्रेसन परामर्श सेवा प्रदान गर्दै आएको छ। संस्था नजिकै भविष्यमा अन्य राज्यहरूमा पनि सेवा विस्तार गर्ने तयारीमा रहेको छ।
