काठमाडौँ । सुनचाँदीको मूल्यमा निरन्तर गिरावट देखिएको छ। नेपाल सुनचाँदी व्यवसायी महासंघका अनुसार, आज छापावाल सुनको मूल्यमा प्रति तोला ४०० रुपैयाँको कमी आएको छ, जसका कारण यसको मूल्य १ लाख ४९ हजार ७०० रुपैयाँमा झरेको छ। यसअघि शुक्रबार सुनको मूल्य १ लाख ५० हजार १०० रुपैयाँमा थियो।
यस्तै, चाँदीको मूल्यमा पनि गिरावट आएको छ। महासंघका अनुसार, आज चाँदी प्रतितोला २५ रुपैयाँले घटेर १ हजार ८६५ रुपैयाँमा पुगेको छ। शुक्रबार यो मूल्य १ हजार ८९० रुपैयाँ रहेको थियो।
पछिल्लो समय सुनचाँदीको मूल्यमा आएको कमीले व्यवसायी र ग्राहक दुवैमा चासो बढाएको छ।
