काठमाडौँ – धनतेरसको अवसरमा आज सुन र चाँदी दुवैको मूल्यमा उल्लेखनीय वृद्धि भएको छ। नेपाल सुनचाँदी व्यवसायी महासङ्घका अनुसार, छापावाल सुनको मूल्यमा प्रतितोला १,५०० रुपैयाँको उछाल आएको छ, जसले गर्दा सुनको मूल्य प्रतितोला १ लाख ६८ हजार ५ सय रुपैयाँ पुगेको छ।
गत बुधवार छापावाल सुनको मूल्य प्रतितोला १ लाख ६७ हजार रुपैयाँ रहेको थियो। धनतेरसको दिन यसरी सुनको मूल्यमा भएको वृद्धिले बजारमा चासो बढाएको छ।
यस्तै, चाँदीको मूल्य पनि वृद्धि भएको छ। बुधवार चाँदी प्रतितोला ४० रुपैयाँले बढेर २ हजार १ सय ५ रुपैयाँमा पुगेको महासङ्घले जनाएको छ। यसअघि, चाँदीको मूल्य प्रतितोला २ हजार ६५ रुपैयाँ रहेको थियो।
