वेस्टर्न अस्ट्रेलियामा चाइल्ड केयर सेक्टरमा काम गर्ने कामदारहरूको चरम अभाव भएपछि सरकारले आकर्षक तलब सुविधा अफर गरेको छ। वेस्टर्न अस्ट्रेलियाको ग्रामीण भेग पिलबरा, गोल्डफिल्ड, किम्बरली लगायतका स्थानहरूमा कामदारको अभाव भएकोले वार्षिक १ लाख ५० हजार डलरको तलब सुविधा अफर गरिने यहाँका सञ्चार माध्यमहरूले जनाएका छन्।
हालै सार्वजनिक गरिएको अस्ट्रेलियन चाइल्ड केयर एलायन्सको तथ्याङ्क अनुसार, अस्ट्रेलियामा चाइल्ड केयर वर्करहरूको अभाव हरेक वर्ष २०% भन्दा बढीले बढिरहेको छ। कतिपय ग्रामीण भेगहरूमा कामदारहरूको अभावका कारण सेन्टरहरू बन्द हुँदै गएको एलायन्सले जनाएको छ।
One Tree Community Services की प्रमुख कार्यकारी क्यारी हिलीअरले चाइल्ड केयर सम्बन्धी अध्ययन गरिरहेका र त्यस सम्बन्धी अनुभव भएकाहरूलाई खाने बस्ने सुविधासहित कामका अवसरहरू उपलब्ध गराउने बताइन्। यसले ग्रामीण भेगमा कामदारहरूको अभावलाई केही हदसम्म कम गर्ने आशा गरिएको छ।
त्यसैगरी, संघीय सरकारले पनि चाइल्ड केयर क्षेत्रमा वर्षेनी बजेट बढाउँदै लगे तापनि कामदारहरूको अभाव र समस्याहरू समाधान हुन सकिरहेका छैनन्। सरकारले नयाँ तलब सुविधा र अन्य आकर्षक अफरहरू ल्याएर चाइल्ड केयर सेक्टरमा कामदारहरूको अभावलाई समाधान गर्ने प्रयास गरिरहेको छ।
सरकारको यो पहलले ग्रामीण भेगका चाइल्ड केयर सेन्टरहरूलाई पुनः सञ्चालनमा ल्याउन र गुणस्तरीय बाल हेरचाह सेवा प्रदान गर्न मद्दत गर्ने विश्वास गरिएको छ।
