अस्ट्रेलियाको विद्यार्थी भिसा अस्सेसमेन्ट Level (आप्रवासन जोखिम सूची) मा हालै भएको परिवर्तनअनुसार नेपाल Level 3 बाट Level 2 मा उक्लिएको छ।
नेपालका विद्यार्थीहरूका लागि यो खुसीको खबर हो। यो परिवर्तन अस्ट्रेलियामा अध्ययन गर्न चाहने नेपाली विद्यार्थीहरूका लागि निकै सकारात्मक मानिन्छ, किनभने यसले भिसा प्रक्रियालाई सजिलो र छिटो बनाउनेछ।
नेपाल Level 2 मा उक्लनु भनेको के हो?
अस्ट्रेलियाले विभिन्न देशहरूलाई उनीहरूको भिसा प्रोसेसिङ जोखिमका आधारमा ३ स्तरमा वर्गीकरण गर्छ। उच्च स्तर भएका देशहरूका लागि कडाइका साथ थप कागजातहरू माग गरिन्छ, भने न्यून स्तर भएका देशहरूलाई सजिलो भिसा प्रक्रिया प्रदान गरिन्छ।
नेपाल अब Level 2 मा उक्लिएको हुनाले विद्यार्थीहरूले अब यी येस्ता फाइदाहरू पाउनेछन्:
✅ आय स्रोत (Income source), बैंक कागजात (bank documents) आदि प्रमाणित गर्न अब पहिलेभन्दा कम कागजात आवश्यक पर्नेछ, जसले गर्दा आर्थिक प्रमाण (financial documents) जुटाउन सहज हुनेछ।
✅ यस परिवर्तनका कारण अब भिसा प्रक्रिया छिटो र प्रभावकारी हुनेछ। पहिले भिसा प्रक्रियामा लाग्ने समय भन्दा अब छिटो निर्णय आउनेछ।
✅ पहिले सत्य निष्ठा परीक्षण (Genuine Temporary Entrant – GTE) प्रक्रिया कठोर थियो, जसमा विद्यार्थीहरूले आफू वास्तवमै अध्ययन गर्न चाहने हो वा होइन भन्ने प्रमाणित गर्नुपर्थ्यो। अब यस प्रक्रिया सरल हुने सम्भावना छ, जसले गर्दा विद्यार्थीहरूले सजिलै आवेदन दिन सक्छन्।
✅ पहिले नेपाल स्तर ३ (Level 3) मा हुँदा विद्यार्थीहरूलाई बढी बैंक विवरण (bank statement), प्रायोजक (sponsor) को विवरण, र अन्य आर्थिक प्रमाणहरू पेश गर्नुपर्ने थियो। स्तर २ मा पुगेपछि प्रायोजन (sponsorship) वा आर्थिक ग्यारेन्टी (Financial Guarantee) मा केही सहजता आउने सम्भावना छ।
✅ पहिले विद्यार्थीहरूले भिसा प्रक्रियाको क्रममा अस्ट्रेलियन आप्रवासन अधिकारी (Australian Immigration Officer) वा विश्वविद्यालयबाट अन्तरवार्ता (Interview) दिनुपर्ने अवस्था थियो। अब स्तर २ मा पुगेपछि यो प्रक्रिया कम हुन सक्छ, जसले गर्दा विद्यार्थीहरूलाई सजिलो हुनेछ।
✅ अस्ट्रेलियामा अध्ययन गरेपछि अध्ययनपछिको कामको भिसा (Post-Study Work Visa) को प्रक्रिया अझ सहज हुन सक्ने सम्भावना छ। किनभने अस्ट्रेलिया कम जोखिमयुक्त देशका विद्यार्थीहरूलाई थप अवसर दिन चाहन्छ।
यो परिवर्तन अस्ट्रेलियाले नेपाली विद्यार्थीहरूप्रति देखाएको विश्वासको संकेत हो। विद्यार्थीहरूले अब यस अवसरको फाइदा उठाउँदै अस्ट्रेलियामा अध्ययन गर्न सहज भिसा आवेदन प्रक्रिया सुरू गर्न सक्छन्।
