क्यानबेरा,नेपालमा राजावादी समुहले गरेको अराजक गतिविधिका कारण नेपाल अशान्त क्षेत्र भएको भन्दै अष्ट्रेलिया सरकारले सतर्कता अपनाउनु आफ्ना नागरिकहरुलाई आग्रह गरेको छ ।
काठमाण्डौंको तीनकुनेमा गत चैत १५ गते राजावादी समुहले गरेको सार्वजानिक सम्पत्ती तोडफोड ,आगजानी जस्ता मानवीय क्षेतिको घटना भएका कारण नेपाल भ्रमण नगर्न अष्ट्रेलिया सरकारले आफना नागरिकलाई अपिल गरेको हो ।
विदेश मन्त्रालयको तर्फबाट नेपालस्थित अष्ट्रेलियन दूतावासले एक ट्राभल एडभाइजरी जारी गर्दै नेपालमा २८ मार्च काठमाण्डौको तीनकुने क्षेत्रमा प्रहरी र प्रर्दशनकारी वीचकोझडका कारण सरकार भवन,निजी घर,सञ्चार माध्यम तोडफोड एक पत्रकार सहित २ मानिसको मृत्य लगायतका घटना भएका कारण भ्रमणका कार्यक्रम नबनाउन आग्रह गरेको छ ।
२८ मार्च पछि पनि प्रर्दशनकारी र प्रहरी वीच धरपकड हुन सक्ने,तोडफोड हुने, यातायात सेवा अबरुद्ध हुने र अप्रिय घटना घटन सक्ने भन्दै आफ्ना नागरिकहरुलाई स्थानीय सञ्चार माध्यममा घटनाका विषयमा अपडेट रहन पनि अष्ट्रेलिया सरकारले अनुरोध गरेको हो ।
राजावादीहरुले अराजक गतिविधि गरेपछि विदेशीहरुले यसलाई चासोका साथ हेरेका मात्र छैनन आफ्ना नागरिकहरुलाई सकेसम्म नेपालको भ्रमण नगर्न र गर्नपरेको अवस्थामा पनि सावधानी अपनाउन अनुरोध गर्न थालेको सम्वन्धि स्रोतले जनाएको छ ।
