क्यानबेरा,अस्ट्रेलिया सरकारले फिजी लगायतका साना टापु देशहरुवाट आउने विधार्थीलाई मध्यनजर गरी विधार्थी भिसाको आवदेन शुल्क ५० प्रतिशत घटाउने भएको छ ।
फिजी,पपुवा न्यूगिनी, टिमोर लिष्ट, भानुआटी, सिमओ लगायत स–साना टापु देशहरुवाट अस्ट्रेलिया पढन आउने विधार्थीको आवेदन शुल्कमा ५० प्रतिशत घटाउने भएको हो । ती देशहरुबाट नगन्य मात्रामा विद्यार्थीहरु अस्ट्रेलिया पढन आउने गरेका छन् ।
त्यसो हुदा अस्ट्रेलियाको डिर्पाटमेन्ट अफ होम अफिर्यसले विभिन्न १३ देशबाट दिईने विद्यार्थी भिसाको आवेदन शुल्क ५० प्रतिशतले घटाउने सरकारको निर्णय छ । यो निर्णय यही मार्च २२ तारिखबाट लागू हुने व्यवस्था अन्र्तगत विद्यार्थी भिसाको आवेदन शुल्क १हजार६ सय डलरबाट ७ सय १० कायम गरिएको छ ।
विद्यार्थी भिसाको सबक्लास ५०० र विद्यार्थीको अभिभावक भिसा सबक्लास ५९० का लागि आवेदन शुल्क भारी मात्राले घटाईएको जनाईएको छ ।
तर, अस्ट्रेलियामा सबैभन्दा धेरै विद्यार्थी भिसाको आवेदन पर्ने चीन, भारत, नेपाल, फिलिफिन्स, बंगलादेश, श्रीलंका, पाकिस्तान, इन्डोनिसा लगायतका देशहरुलाई भने यथावत राखिएको छ । विद्यार्थी भिसाको आवेदन शुल्क नै अत्यधिक महँगो भएपछि आवेदन समेत कम पर्न थालेको पछिल्लो तथ्यांकहरुले देखाएको छ ।
