आज डिसेम्बर २५ अर्थात् क्रिसमस डे, नेपालसहित विश्वभरका क्रिश्चियन धर्मावलम्बीहरूले येशु ख्रिष्टको जन्मदिनको अवसरमा भव्यताका साथ क्रिसमस मनाइरहेका छन्। हरेक वर्ष २५ डिसेम्बरमा मनाइने यो पर्वले धार्मिक तथा सांस्कृतिक महत्व बोकेको छ।
क्रिसमसको कथा र इतिहास
क्रिसमसको इतिहास करिब दुई हजार वर्ष पुरानो छ। बाइबलका अनुसार, त्यस समय रोमको शासनकालमा मानिसहरूलाई बचाउनका लागि येशु ख्रिष्ट धर्तीमा अवतरण भएका थिए। जिससको जन्म हुँदा म्यारी र जोसेफ बेथलेहम जाँदै थिए, तर त्यहाँको भीडका कारण उनीहरूलाई बस्ने ठाउँ भेटिएन। अन्ततः घोडाको तबलामा बसेर त्यहीँ येशुको जन्म भएको थियो। यही ऐतिहासिक घटनालाई आधार मानेर क्रिसमस मनाउने परम्परा सुरु भएको मानिन्छ।
क्रिसमस मनाउने परम्परा
पश्चिमा समाजमा क्रिसमसलाई विशेष महत्वका साथ मनाइन्छ। यो अवसरमा घर–घरमा क्रिसमस ट्रि सजाउने, रंगीचंगी बत्ती बाल्ने, खेलौनाले झकिझकाउ बनाउने चलन छ। शान्ता क्लज (क्रिसमसको पिताको रूपमा परिचित) को कथनअनुसार, उनले यस अवसरमा बच्चा तथा परिवारका लागि उपहार ल्याउने विश्वास गरिन्छ। घरलाई झिलिमिली पार्नु, रातो लुगा र सेतो टोपी लगाउनु क्रिसमसको प्रमुख विशेषता हो।
नेपालमा क्रिसमसको अवसर
नेपाल सरकारले यस अवसरमा सार्वजनिक बिदा दिने गर्दछ। आज बैंक, बीमा कम्पनी, शेयर बजार, तथा सरकारी कार्यालयहरू बन्द छन्। नेपाली क्रिश्चियन समुदायले पनि यो पर्व विशेष उत्साहका साथ मनाउँछन्।
क्रिसमसको यो दिन शान्ति, प्रेम, र उत्सवको प्रतीक मानिन्छ, जसले मानिसहरूलाई आपसी भाइचारा र सुखद जीवनको सन्देश दिन्छ।
