4o
पोखरा । पोखराको ड्यामसाइडस्थित होटल स्याण्डी ब्लुम मा जुवातास खेलिरहेका ६ जनालाई प्रहरीले नियन्त्रणमा लिएको छ। सूचना प्राप्त भएपछि प्रहरीले छापा मारी उनीहरूलाई पक्राउ गरेको हो।
पक्राउ पर्नेमा गल्याङका ३८ वर्षीय नवीन थापा, पुतलीबजारका ४० वर्षीय भेषबहादुर गुरुङ, र पोखरा १२ का ४३ वर्षीय शंकर थापा रहेका छन्। त्यस्तै, पोखरा १७ की ५३ वर्षीया साबित्री गुरुङ पुन, माछापुच्छ्रे गाउँपालिकाकी ३९ वर्षीया दुर्गा गुरुङ, र पोखरा १७ की ४९ वर्षीया आईती गुरुङ पनि पक्राउ परेका छन्।
प्रहरीले उनीहरूको साथबाट १ लाख ८८ हजार ४२६ रुपैयाँ बरामद गरेको छ। कास्की जिल्ला प्रशासन कार्यालयबाट ७ दिनको म्याद थप गरी घटनाको थप अनुसन्धान भइरहेको जिल्ला प्रहरी कार्यालय कास्कीले जनाएको छ।
4o
