काठमाडौं । नेपालको संविधान दिवसको अवसरमा बेलायती राजा चार्ल्सले राष्ट्रपति रामचन्द्र पौडेललाई विशेष शुभकामना सन्देश पठाएका छन्। नेपालको प्रजातान्त्रिक विकास र बेलायत-नेपाल सम्बन्धको सुमधुर इतिहासको प्रशंसा गर्दै, राजा चार्ल्सले आगामी पुस्ताको हितमा शान्ति, संवृद्धि, र वातावरण संरक्षणको लागि थप सहकार्यको आशा व्यक्त गरेका छन्।
बेलायती राजदूतावासले सार्वजनिक गरेको सन्देशमा राजा चार्ल्सले भनेका छन्, “म र मेरी रानी दुवैले नेपालको संविधान दिवसको अवसरमा नेपाली जनतालाई हार्दिक शुभकामना व्यक्त गर्न चाहन्छौं। नेपाल र बेलायतबीचको पुरानो मित्रता र आपसी सम्मानले दुवै राष्ट्रलाई अझ बलियो बनाएको छ। हामी भविष्यमा पनि जलवायु परिवर्तनको सामना गर्ने, शान्ति स्थापनामा योगदान दिने र संवृद्धिको बाटोमा मिलेर अघि बढ्ने आशा राख्छौं।”
राजाको यस सन्देशले नेपाल-बेलायत सम्बन्धको गहिराइ र दुवै देशको साझा लक्ष्यलाई थप उजागर गरेको छ। यो शुभकामना सन्देशले नेपाल-बेलायत सम्बन्धलाई नयाँ उचाइमा पुर्याउने संकेत गर्दछ।
