नायिका कंगना रनौत सधैं आफ्नो विचार मुखर रूपमा प्रस्तुत गर्ने अभिनेत्री हुन्। चलचित्र उद्योगमा बलिउडका कलाकारहरूसँगको भिन्नतामा आफ्नो दृष्टिकोण स्पष्ट बताउन उनी कहिल्यै पछि परिनन्।
हाल आफ्नो आउँदै गरेको फिल्म ‘इमर्जेन्सी’ को प्रतीक्षामा रहेकी कंगनाले हालै सुर्तिजन्य उत्पादनको प्रचार गर्ने कलाकारको आलोचना गरिन्। उनले यस्ता कलाकारहरूलाई ‘ब्याकस्टबर्स’ भन्दै उनीहरूको प्रवृत्ति आपत्तिजनक भएको बताइन्।
कंगनाको अनुसार, सार्वजनिक जीवनमा रहेका व्यक्तिहरूले आफूले गर्दै गरेको विज्ञापनले समाजमा के सन्देश प्रवाह गरिरहेको छ भन्ने कुरामा विशेष ध्यान दिनुपर्ने हुन्छ। विशेष गरी, सुर्तिजन्य पदार्थहरूको प्रचारले युवालाई गलत मार्गमा डो-याउने सम्भावना हुन्छ।
उनी आफैं सधैं सामाजिक सन्देशहरूमा आधारित भूमिकाहरू रोज्न प्रयासरत रहन्छिन्।
