क्यानबेरा, अष्ट्रेलिया – क्यानबेरामा नेपाली सांस्कृतिक पर्व तीजको अवसरमा भव्य उत्सवको तयारी गरिएको छ। यो कार्यक्रम ३० अगष्ट २०२४, शुक्रबार, साँझ ५ बजे अल्वर्ट हल, क्यानबेरा सिटीमा आयोजना हुनेछ।
कार्यक्रमको आयोजना अष्ट्रेलिया नेपलिज फ्रेण्डसिप सोसाइटि (एएनएफएस)ले गरेका छन्, जसको सहयोगमा NRNA ACT, हाम्रो पाठशाला, र नेपाली कला संस्कृति तथा साहित्य प्रतिष्ठान रहेको छ। यस बर्षको तीज उत्सवमा प्रसिद्ध नेपाली गायिका सिन्धु मल्ल र अन्जिला रेग्मीका प्रस्तुतिहरू हुनेछन्। साथै, स्थानीय कलाकारहरूको प्रदर्शन र डिजे पिसको संगीतले पनि सहभागीलाई मनोरञ्जन प्रदान गर्नेछ।
कार्यक्रमको विवरण:
- मिति: शुक्रबार, ३० अगष्ट २०२४
- समय: साँझ ५ बजे
- स्थान: अल्वर्ट हल, क्यानबेरा सिटी
- प्रवेश शुल्क:
- एएनएफएसका सदस्यहरू: प्रति व्यक्ति $५
- सदस्य नहुनेहरू: प्रति व्यक्ति $१०
- ५ वर्ष भन्दा साना बालबालिका: निःशुल्क
हरितालिका तीजको महत्व:
नेपालमा तीज हरितालिका विशेष महत्वको पर्व हो, जुन विशेषगरी महिला वर्गले धूमधामसँग मनाउने गर्छन्। यो पर्वका अवसरमा महिलाहरू उपवासी रहँदै, रातभर पूजा गर्न र शिव-पार्वतीको पूजा अर्चना गर्न्छन्। यस पर्वको धार्मिक र सांस्कृतिक महत्व छ, जसले महिला र दाम्पत्य जीवनमा समर्पण र समर्पणको भावना झल्काउँछ। महिलाहरूको लागि यो पर्व एक विशेष अवसर हो, जसले सांस्कृतिक एकता र पारिवारिक सम्बन्धलाई प्रगाढ बनाउने काम गर्दछ।
कार्यक्रमको उद्देश्य नेपाली सांस्कृतिक परंपरालाई सम्मान गर्दै समुदायलाई एकत्रित गर्नु हो। एएनएफएसका अध्यक्ष निरज गौलीले, “हाम्रो लक्ष्य तीजलाई उत्साहपूर्वक मनाउनु मात्र होइन, हाम्रो सांस्कृतिक धरोहरलाई पनि नयाँ पीढीसम्म पुर्याउनु हो। यो कार्यक्रम हाम्रो दोस्रो पुस्तालाई आफ्नो सांस्कृतिक जरा र परंपरासँग जोड्नका लागि अवसर प्रदान गर्नेछ,” भनेका छन्।
कार्यक्रम परिवारमैत्री हुनेछ र सबै उमेरका मानिसलाई समेट्ने गतिविधिहरू र प्रस्तुतिहरू प्रदान गर्ने योजना रहेको छ। क्यानबेरा र वरपरका नेपाली जनतालाई यस उत्सवमा सहभागी भएर यसलाई सफल बनाउन आह्वान गरिएको छ।
टिकटहरूको बिक्री एएनएफएसका सदस्यहरू मार्फत वा कार्यक्रममा उपस्थित भएर गर्न सकिन्छ। यो तीज उत्सव क्यानबेरामा नेपाली सांस्कृतिक रंग र समृद्धि प्रस्तुत गर्ने अपेक्षा गरिएको छ।
