मेलबर्न — मेलबर्नको सम्पन्न उपनगरमा बस्ने एक बासिन्दा अहिले २० मिलियन डलरको विजेता बन्ने सम्भावनामा छन्। अधिकारीहरूले अहिलेसम्म उनको पहिचान गर्न सकेका छैनन्।
गत रात भएको ८० मिलियन डलरको Powerball draw मा भिक्टोरिया, क्विन्सल्याण्ड र पश्चिमी अष्ट्रेलियाका चार जनाले समान रूपमा २०–२० मिलियन डलर जितेका थिए। तर तीमध्ये एक विजेता अझै आफ्नो नयाँ बहु–मिलियनियर बनेको बारेमा अनजान रहेका छन्।
विजेता टिकट ब्राइटनमा बिक्री
मेलबर्नको सम्पन्न उपनगर ब्राइटन स्थित East Brighton Newsagent बाट खरिद गरिएको विजेता टिकट दर्ता नभएकाले विजेताको पहिचान पत्ता लगाउन कठिन भएको The Lott का म्याट हार्टले जानकारी दिए।
East Brighton Newsagent का मालिक सज्जाद सादेघी गोरबन्दी ले विजेता आफ्नो नियमित ग्राहक हुनसक्ने अनुमान गरेका छन्। उनले भने, “म उनीहरूको लागि, मेरो पसल, हाम्रो क्षेत्र र हाम्रो समुदायका लागि शुभकामना दिन चाहन्छु। यो साँच्चिकै अद्भुत हो।”
स्थानीयको उत्साह
ब्राइटनका बासिन्दा पनि आफ्नो क्षेत्रमा विजेता टिकट बिक्री भएको थाहा पाएर उत्साहित भएका छन्।
एक स्थानीयले भने, “मलाई २० मिलियन डलर पाइदिन्थ्यो भने!”
अर्काले भने, “यति ठूलो रकम पाइएपछि आफूलाई के गर्ने भन्ने थाहा नै नहुने जस्तो छ।”
तेस्रोले भने, “यो ब्राइटनबाट भएकोमा अझै रमाइलो लाग्छ।”
अन्य विजेताहरू पहिचान
अन्य तीन विजेतामध्ये क्विन्सल्याण्डको Woolloongabba की एक युवती, भिक्टोरियाको Mooroopna की एक महिला र पश्चिमी अष्ट्रेलियाका एक विजेता पहिचान भइसकेका छन्। उनीहरूले आफ्नो पुरस्कार दाबी गर्ने प्रक्रिया सुरु गरिसकेका छन्।
विजेतालाई आग्रह
गत रातको Powerball draw का लागि East Brighton Newsagent बाट टिकट खरिद गरेका सबैलाई आफ्नो नम्बर जाँच गर्न The Lott ले आग्रह गरेको छ। भाग्यशाली विजेताले तुरुन्तै सम्पर्क गरेर आफ्नो पुरस्कार दाबी प्रक्रिया सुरु गर्न सक्नेछन्।
मेलबर्नकै सर्वाधिक आकर्षक र प्रतिष्ठित उपनगरमध्ये एक ब्राइटन बाट विजेता टिकट बिक्री भएको खबरले स्थानिय बासिन्दा मात्र होइन, सम्पूर्ण अष्ट्रेलियाली समुदायमा उत्सुकता थपेको छ।
