काठमाडौँ । अस्ट्रेलियाको बर्वुडमा नेपाली हिन्दु समाजको आयोजनामा तीज महोत्सव सुरु भएको छ। नेपाली समुदायको व्यापक सहभागिता रहेको कार्यक्रममा अभिनेत्री तथा निर्मात्री निता ढुङ्गानाले उद्घाटन गरेकी छन्।
आयोजकका अनुसार महोत्सवमा सांस्कृतिक प्रस्तुति, पूजापाठ, नृत्य तथा तीजसँग सम्बन्धित विविध कार्यक्रम प्रस्तुत गरिनेछ। कार्यक्रममा अभिनेत्री ढुङ्गानासँगै ज्योतिष तथा अभिनेता हरिहर अधिकारीको पनि उपस्थिति रहेको छ। उनीहरूले साँझ दुई स्टेजमार्फत प्रस्तुतिमा सहभागी हुने तयारी रहेको जानकारी दिइएको छ।
समुदायबीच आपसी भेटघाट र सम्पर्क विस्तारसँगै नेपाली संस्कृति संरक्षण र प्रवर्द्धनलाई मुख्य उद्देश्य बनाइएको आयोजक समितिले जनाएको छ।
