चीनले आफ्ना सबै सैन्य क्षेत्रलाई थप ४ कमाण्डमा परिणत गरेर नयाँ झन्डा दिएको छ। यस कमाण्डमा चीनको सेना र वायुसेना सँगै तैनाथ छन्। चीनले आफ्ना धेरै सैन्य डिभिजनहरूलाई संयुक्त सशस्त्र ब्रिगेडमा परिणत गरिरहेको छ । चीनले १९८० मा आफ्नो सेनाको आधुनिकीकरण सुरु गर्यो। सी जिनपिङले २०१५ मा विश्व स्तरको सेना बनाउन दुई ठूला परिवर्तन गरेका थिए, पहिलो संगठनात्मक, कमाण्ड र नियन्त्रण सुधार थियो।
चिनियाँ सैन्य सिद्धान्त अनुसार पीएलए आर्मी, पीएलए नेवी, पीएलए एयर फोर्स र रकेट फोर्स मात्र उपस्थित थिए। सी जिनपिङले पीएलए रणनीतिक सहयोग बललाई हाल चार नयाँ सेनामा परिणत गरेका छन । यसमा एयरोस्पेस फोर्स, साइबर स्पेस फोर्स, इन्फॉर्मेशन सपोर्ट फोर्स र ज्वाइन्ट लजिस्टिक सपोर्ट फोर्स समावेश छन्। अब यी चार नयाँ सेनाका लागि नयाँ झण्डा स्वीकृत भएको छ। यी नयाँ झण्डाहरू अगस्ट १ मा मनाइने चिनियाँ सेना दिवसबाट आधिकारिक रूपमा प्रयोग गर्न थालिसकेका छन ।
एयरोस्पेस फोर्सः
यो एयरोस्पेस फोर्स १९ अप्रिल २०२४ मा स्थापना भएको हो। साइबरस्पेस फोर्सको मुख्य काम अन्तरिक्ष युद्ध हो। यो बलले उपग्रह सुरक्षा, नेभिगेसन, काउन्टर स्पेस, निगरानी र सञ्चारको क्षमतालाई सुदृढ र विकास गर्ने लक्ष्य राखेको छ। हाल यसले ७ प्रमुख अन्तरिक्ष आधारहरू सञ्चालन गरिरहेको छ । अन्तरिक्ष, क्षमतामा चीनको बढ्दो चासो र सर्वोच्चता हासिल गर्ने दिशामा द्रुत गतिमा अघि बढिरहेको छ। चीनले अन्य देशको भूउपग्रहलाई ध्वस्त पार्न नयाँ हतियारको तयारी गरिरहेको छ ।
साइबर सुरक्षा फोर्स
यस फोर्सको काम साइबर सुरक्षा र रक्षा उपकरणहरू विकास गर्ने, राष्ट्रिय साइबर रक्षालाई बलियो बनाउने, कुनै पनि नेटवर्क घुसपैठ तुरुन्तै पत्ता लगाउने र त्यसको सामना गर्ने हो। तिनीहरूका आधारहरू चिनियाँ पिएलएको ५ थिएटर कमाण्डहरूमा निर्माण गरिएको छ। तिनीहरूको काम देशको आपत्तिजनक साइबर युद्ध, मनोवैज्ञानिक युद्ध र उन्नत साइबर सुरक्षा अनुसन्धानको निरीक्षण गर्नु हो।
इन्फॉर्मेशन सपोर्ट फोर्स
पीएलए आइएसएफ १९ अप्रिल २०२४ मा गठन भएको थियो। यस क्रममा सी जिनपिङले भनेका थिए कि यो नयाँ फोर्स पीएलएको रणनीतिक हात हुनेछ, जसले आधुनिक युद्धमा पीएलए नेटवर्क सूचना प्रणालीको निर्माण र समन्वय बढाउने छ। मिस इन्फर्मेशन वारफेयरमा चीनले निपुणता हासिल गरेको छ ।
ज्वाइन्ट लजिस्टिक सपोर्ट फोर्स
चीनको जनमुक्ति सेनाको संयुक्त लजिस्टिक सपोर्ट फोर्सको मुख्य कार्य पीएलएलाई रणनीतिक युद्ध स्तर र अभियान स्तरको संयुक्त रसद सहयोग उपलब्ध गराउनु हो। यो बल सेप्टेम्बर २०१६ मा स्थापना भएको हो र अप्रिल २०२४ मा यसलाई पिलएको नयाँ शाखाको रूपमा मान्यता दिइयो। यो बल सीएमसी अर्थात् केन्द्रीय सैन्य आयोग अन्तर्गत काम गर्दछ। यस मार्फत, चिनियाँ पिएलएले आफ्नो रसद प्रणाली आधुनिकीकरण र पिएलएका विभिन्न शाखाहरूको रसद आपूर्ति श्रृंखला एकीकृत गर्न सकिन्छ।
