काठमाडौं — ‘घुस डिल’ प्रकरणमा मुछिएका संघीय मामिला तथा सामान्य प्रशासनमन्त्री राजकुमार गुप्ता सोमबार बिहान प्रधानमन्त्री निवास बालुवाटार पुगेका छन्। चौतर्फी दबाबपछि गुप्ता प्रधानमन्त्री केपी शर्मा ओलीसँग भेट्न पुगेका हुन्। स्रोतका अनुसार उनी राजीनामाको तयारीमा छन् र सोही विषयमा छलफल गर्न बालुवाटार गएका हुन्।
हालै सार्वजनिक भएको एक अडियो टेपमा मन्त्री गुप्ताले कास्की मालपोत कार्यालयका तत्कालीन प्रमुख रामचन्द्र अधिकारीको सरुवा रोक्न ५३ लाख रुपैयाँ, र गण्डकी प्रदेश एमाले सदस्य खेमबहादुर पुनलाई भूमि आयोग कास्कीको अध्यक्ष बनाउन २५ लाख रुपैयाँ घुस मागेको अडियो सार्वजनिक भएको थियो।
त्यसैसँगै दुई झोलामा राखिएको घुस रकम, नोटका बन्डलहरू र नम्बरसहितको फोटो प्रमाणको रूपमा अख्तियार दुरुपयोग अनुसन्धान आयोगमा उजुरीसमेत परेको छ। अख्तियारले घटनाको प्रारम्भिक अनुसन्धान थालेको जनाएको छ।
यद्यपि, मन्त्री गुप्ताले सार्वजनिक अडियो र प्रमाणप्रति अस्वीकार जनाएका छन्। उनले आफूले कसैसँग पैसा लिएको वा मागेको नत्थापूर्ण जानकारी नभएको दाबी गर्दै भनेका छन्, “म यो प्रकरणमा संलग्न छैन। कुनै व्यक्ति वा स्रोतले दिएको रकमको फोटो सार्वजनिक गरिएको छ, तर त्यो टेबल नै मेरो मन्त्री क्वार्टरमा छैन।”
उनले अडियोको वैधता र सन्दर्भमाथि प्रश्न उठाउँदै भनेका छन्, “त्यो आवाज मेरो होइन, कसरी र कुन प्रसङ्गमा रेकर्ड गरियो थाहा छैन। सरुवाको विषयमा कुरा भए पनि मैले त्यसमा कुनै भूमिका खेलेको छैन।”
मन्त्री गुप्ता २०७९ सालको निर्वाचनमा पर्सा क्षेत्र नं. ३ बाट नेपाली कांग्रेसका उम्मेदवार सुरेन्द्रप्रसाद चौधरीलाई पराजित गर्दै प्रतिनिधिसभामा निर्वाचित भएका थिए। उनी सत्तारुढ एमालेका नेता हुन्।
घटनाको गम्भीरता र सार्वजनिक दवाबबीच मन्त्री गुप्ता राजीनामा दिने मनस्थितिमा पुगेको स्रोतले जनाएको छ। घटनासँग सम्बन्धित सबै पक्षहरूको अनुसन्धान अघि बढिरहेको छ।
