अस्ट्रेलियाको मेलर्वनमा सर्वाधिक धनराशीको भलिबल ब्याडमिन्टन प्रतियोगिता आयोजना हुने भएको छ। एलिट गोर्खा स्पोर्ट्स क्लबको अायोजनामा ग्लोबल मिट एजुकेशन तथा भिसा सर्भिसले मुख्य प्रायोजना गरेका हुन्। यो प्रतियोगिता जुन ३० गते अस्ट्रेलिया भरिका ३५ वर्षभन्दा माथिका पुरुषहरूलाई खुल्ला हुने गरेको छ।
प्रतियोगिताका इभेन्ट कोओर्डिनेटर बैरागी लामाका अनुसार प्रतियोगितामा विजेता टोलीलाई ५ हजार अस्ट्रेलियन डलरसहित ट्रफी, मेडल, र प्रमाणपत्र प्रदान गरिनेछ। उपविजेता टोलीलाई २२ सय अस्ट्रेलियन डलरसहित ट्रफी, मेडल, र प्रमाणपत्र दिइने बताइएको छ।
अहिलेसम्म अस्ट्रेलियामा धेरै स्थानमा भबिलब प्रतियोगिता भएको छ तर याे सबैभन्दा ठूलो राशिकाे प्रतियोगिता हुने बताइएको छ। प्रतियोगितामा अस्ट्रेलियाका विभिन्न शहरका क्लब र खेलाडीहरू पनि सहभागी हुनेछन्। नेपाली राष्ट्रिय भलिबल टोलीका कप्तान मानबहादुर श्रेष्ठ सहित अन्य राष्ट्रिय टोलीका खेलाडीहरू जस्ता विशाल विक, टेकराज अवस्थी लगायत पनि खेलमा सहभागी हुने तय भइसकेको आयोजकले जनाएको छ।
