हलिउडको प्रसिद्ध स्टुडियो सोनीले मार्सल आर्ट्सको प्रसिद्ध कलामा आधारित नयाँ फिल्म श्रृंखला ‘कराँते किड : लिजेन्ड्स’ सार्वजनिक गर्ने घोषणा गरेको छ। यो बहुप्रतीक्षित एक्सनप्रधान फिल्म सन् २०२५ को मे ३० मा प्रदर्शनमा आउनेछ।
फिल्ममा चर्चित अभिनेता ज्याकी च्यान र राल्फ म्याचियो मुख्य भूमिकामा देखिनेछन्। राल्फ म्याचियोले ड्यानिल लारुसोको भूमिका पुनः निर्वाह गरेका छन् भने ज्याकी च्यानले मिस्टर हानको भूमिका निभाएका छन्।
यस फिल्ममा नयाँ पात्रको रूपमा चिनियाँ मूलका अमेरिकी अभिनेता बेन वाङ पनि समावेश छन्, जसले लि फोङ नामक विद्यार्थीको भूमिका निभाएका छन्। फिल्मले कराँते र मार्सल आर्ट्सको परम्परा तथा प्रशिक्षणलाई केन्द्रीत गरेर नयाँ कथा प्रस्तुत गर्ने अपेक्षा गरिएको छ।
