फ्लोरिडा – अमेरिकाका पूर्व राष्ट्रपति र रिपब्लिकन पार्टीका वर्तमान राष्ट्रपतिका उम्मेदवार डोनाल्ड ट्रम्पले फ्लोरिडामा आफ्ना समर्थकहरूलाई सम्बोधन गरेका छन्। श्रीमती मेलानिया ट्रम्प र चुनावी अभियानका प्रमुख सदस्यहरूसँग मञ्चमा पुगेका ट्रम्पले अमेरिकी जनतासँग पुनः सशक्त राष्ट्रको परिकल्पना प्रस्तुत गरेका थिएर मत गणना जारी रहँदा ट्रम्पले फ्लोरिडामा आफ्ना समर्थकहरूलाई सम्बोधन गर्दै अमेरिकी राष्ट्रपतिको निर्वाचनमा आफू विजयी भएको घोषणा गरेका हुन् ।
ट्रम्पले समर्थकहरूमाझ आफ्नो दृढता व्यक्त गर्दै भने, “हामी हाम्रो देशलाई पुनः प्राप्त गर्न र अमेरिकालाई ‘स्वर्ण युग’ तर्फ लैजान प्रयत्न गर्नेछौँ।” उनले अमेरिकाका लागि ठूलो जीतको संकल्प पनि दोहोर्याए। ट्रम्पको भनाइमा, “यो जित अमेरिकी जनताको हो, जसले अमेरिकालाई फेरि महान् बनाउन मार्गप्रशस्त गर्नेछ।”
अभियानको दौरान ट्रम्पले आफ्नो लोकप्रिय नारा “मेक अमेरिका ग्रेट अगेन” अर्थात् “अमेरिकालाई पुनः महान् बनाऔं” को चर्चा गर्दै चुनावी जितको आशा व्यक्त गरेका छन्। औपचारिक घोषणाको प्रतीक्षामा रहे पनि उनले आफ्नो समर्थनमा ठूलो जनमत रहेको दाबी गरेका छन्। ट्रम्पले भने, “अमेरिकी जनताले हामीलाई अभूतपूर्व र शक्तिशाली समर्थन प्रदान गरेको छ।”
फ्लोरिडाको चुनावी मुख्यालयमा आयोजित उक्त कार्यक्रममा ठुलो सङ्ख्यामा समर्थकहरूको उपस्थिति देखिएको थियो।
