काठमाडौं । आगामी पेरिस ओलम्पिकका लागि भारतीय क्रिकेटर विराट कोहलीको प्रेरक भिडियोले उनका फ्यानहरू माझ केहि बहस मच्चाएको छ । सोमबार पोस्ट गरिएको भिडियोमा कोहलीले भारतीय खेलाडीलाई शुभकामना दिँदै नेपालको सगरमाथा क्षेत्रको भिजुअल प्रयोग गरेका छन् ।यो विवरणले कोहलीलाई उच्च सम्मान गर्ने नेपाली फ्यानहरूले आलोचना सुरु गरेका छन् । कोहलीलाई भिजुअलहरू परिवर्तन गर्न विचार गर्न अनुरोध गर्नुका साथै विभिन्न टिप्पणी समेत गरिएको छ । कोहलीले गत सोमबार उक्त भिडिओ आफ्ना विभिन्न सामाजिक सञ्जालमार्फत शेयर गरेका थिए । पेरिस ओलम्पिकमा सहभागी हुने भारतीय एथ्लेटहरूलाई उनको फेसन कम्पनी रोन (Wrogn)ले प्रायोजन गरेपछि भिडिओ बनाइएको थियो । तर, भिडिओको सुरुमै नेपालको हिमाल प्रयोग गरिएपछि आलोचना भइरहेको छ । एक जना फ्यानले कोहलीलाई ‘ह्वाट्सएप युनिभर्सिटी’बाट स्नातक गरे कि भनेर ट्रोल पनि गरेका छन् ।चाखलाग्दो कुरा के छ भने विराट कोहली हाल आफ्नी श्रीमती अनुष्का शर्मा र छोराछोरीसँग लन्डनमा छन् । टि-२० विश्वकप २०२४ को जितपछि भारत फर्केपछि र मुम्बईमा टिम बस परेडमा भाग लिएर उनी तुरुन्तै लन्डन गएका हुन् ।
विराट कोहली श्रीलंकाको टुर गुमाउने
विराट कोहलीले आगामी श्रीलंका भ्रमण गुमाउने भएका छन् । उनले बीसीसीआईसँग ब्रेक मागेका छन् । नयाँ मुख्य प्रशिक्षकमा गौतम गम्भीर चयन भएको अवस्थामा कोहलीले ब्रेक मागेका छन् ।
