हाल अष्ट्रेलियाको अर्थतन्त्रसँग सम्बन्धित धेरै समस्याहरू देखा परेका छन्। धेरै देशहरूले कोभिड-१९ पछि आर्थिक गिरावटको सामना गरेका छन्, तर अष्ट्रेलियाले यसलाई पार गर्दै बलियो अर्थतन्त्रको रूपमा अघि बढेको छ। अष्ट्रेलिया अझै पनि विश्वका अरु धेरै देशहरूको तुलनामा राम्रो स्थितिमा रहेको छ।यहा बेरोजगारी दर ऐतिहासिक रूपमा न्यूनतम अवस्थामा छ l यद्यपि, मुद्रास्फीति र जीवन यापनको लागतका बारेमा चिन्ताहरू कायम छन्।
हालैका रिपोर्टहरूले, मुद्रास्फीति र जीवन यापनको खर्चमा वृद्धि भइरहेको हुँदा, अष्ट्रेलियामा केही खतरनाक आर्थिक संकटको सम्भावना देखाएका थिए। यो सबैका बाबजुद, एक नयाँ सर्वेक्षणले अष्ट्रेलियाका उपभोक्ताहरूको विश्वासमा अप्रत्याशित वृद्धि देखाएको छ।
Westpac-Melbourne Institute द्वारा गरिएको उपभोक्ता विश्वास सूचकांकले १२.८ प्रतिशतको वृद्धि देखाएको छ, जसले सूचकांकलाई १०३.८ को स्तरमा पुर्याएको छ। यो सूचकांक २०२२ पछि पहिलो पटक १०० को स्तर भन्दा माथि पुगेको हो, जसले सामान्यतया सकारात्मक उपभोक्ता विश्वासको संकेत गर्दछ।
Westpac का प्रमुख अर्थशास्त्री Matthew Hassan ले यसलाई “असामान्य र चकित पार्ने” नतिजा भनेका छन्। उनका अनुसार,”सकारात्मक भावना सामान्य भन्दा बढी देखिन्छ, र यसले लामो समयदेखि रहेको उपभोक्ता निराशालाई कम गरेको छ, जसका कारण मुद्रास्फीति र उच्च ब्याज दरका कारण आम्दानीमा गिरावट भएको थियो।”
सर्वेक्षणले खुद्रा व्यापारीहरूको लागि पनि राम्रो संकेतहरू प्रस्तुत गरेको छ। क्रिसमसको मौसम नजिकिँदै गर्दा, एक तिहाइ उपभोक्ताहरूले यस वर्ष बढी खर्च गर्ने योजना बनाएका छन्। यसले खुद्रा व्यापारीहरूको लागि राम्रो समाचार हो, जसले आगामी वर्षको लागि राम्रो बिक्रीको सम्भावना देखाउँछ।
तर, केही अर्थशास्त्रीहरू यस नतिजालाई अस्थायी उतारचढावको रूपमा लिइरहेका छन्। CreditorWatch का प्रमुख अर्थशास्त्री Ival Colhoun ले भनेका छन्, “यो नतिजा ठूलो आश्चर्य हो, र म यो अस्थायी उतारचढाव मान्दछु।”
अर्थशास्त्रीहरूको भनाइ अनुसार, यदि उपभोक्ताहरूको विश्वास वास्तविक रुपमा बढिरहेको हो भने, यसले अष्ट्रेलियाको अर्थतन्त्रमा सकारात्मक प्रभाव पार्न सक्छ। तर यसलाई केवल एक अस्थायी उतारचढावको रूपमा हेरिनु हुँदैन।
अष्ट्रेलियामा आर्थिक चिन्ताहरूको बीच पनि उपभोक्ता विश्वासले सात वर्षको उच्चतम स्तरमा पुर्यायो यो सर्वेक्षणले अष्ट्रेलियाको अर्थतन्त्रको भविष्यको बारेमा थप स्पष्टता ल्याउने अपेक्षासहित महत्वपूर्ण संकेतहरू दिन्छ। यसका परिणामहरूले आगामी महिनामा उपभोक्ताको खर्च र मुद्रास्फीति दबाबको सम्बन्धमा थप प्रगति ल्याउन सक्छ।
अष्ट्रेलियाको आर्थिक नीति र निर्णयकर्ताहरूलाई आगामी समयको लागि सतर्क रहने र उपभोक्ताको विश्वासको स्थितिमा निरन्तर निगरानी राख्न आवश्यक छ।
