क्यानबेरा — ३१ अगस्टमा हुने March for Australia र्याली अतिवादी समूहसँगको सम्बन्धको दाबीपछि विवादमा परेको छ। National Socialist Network (NSN) र White Australia movement सँग जोडिएका Thomas Sewell ले टेलिग्राममार्फत र्याली आफ्नो भएको दाबी गर्दै विदेशी हस्तक्षेपविरुद्ध अष्ट्रेलियालीहरूलाई एकत्रित हुन आह्वान गरेका हुन्।
Sewell को दाबीपछि आयोजकहरूले विज्ञप्ति जारी गर्दै उनको विचारधारा वा समूहसँग कुनै सम्बन्ध नभएको स्पष्ट पारेका छन्। उनीहरूले र्यालीलाई आव्रजन अन्त्यको मागसहित सुरु गरिएको “grassroots effort” को रूपमा व्याख्या गर्दै, कार्यक्रम पूर्ण रूपमा हिंसामुक्त हुने र “NO FOREIGN FLAGS” नीति अपनाइने पुनः दोहोर्याएका छन्।
यो विवाद मेलबर्नमा NSN सदस्यहरूको मार्च सार्वजनिक भएपछि थप चुलिएको हो। विश्लेषकहरूले हिंसा वा अतिवादी प्रतीकहरू देखिए र्यालीको दीर्घकालीन असर नकारात्मक हुने चेतावनी दिएका छन्।
