मेष (चु, चे, चो, ला, लि, लु, ले, लो, अ)
आजको दिन व्यक्तिगत प्रतिष्ठा र आत्मविश्वास बढ्नेछ । कार्य क्षेत्रमा अवसरहरू आउन सक्छन्, पदोन्नति वा नयाँ जिम्मेवारी प्राप्त हुने संकेत छ । राजनीतिमा सक्रिय हुनुहुन्छ भने सम्मान पाउने सम्भावना छ । प्रेम सम्बन्धलाई प्राथमिकता दिन केही समय छुट्याउनु राम्रो हुनेछ ।
वृष (इ, उ, ए, ओ, बा, बि, बु, बे, बो)
महत्त्वपूर्ण व्यक्तिहरूसँगको सम्पर्कले लाभ हुनेछ । रोकिएका काम अघि बढ्नेछन् । कारोबारमा वृद्धि र आम्दानी बढ्ने समय छ । सामाजिक वा पारिवारिक जिम्मेवारीमा समय दिनुपर्ला, तर आफ्ना काममा असर पर्नेछ ।
मिथुन (का, कि, कु, घ, ङ, छ, के, को, ह)
नकारात्मक विचारले मनमा प्रभाव पार्न सक्छ, त्यसैले सकारात्मक सोच राख्नुहोस् । अनावश्यक खर्च र तनाव बढ्न सक्छ । परिस्थिति नियन्त्रण गर्न आत्म अनुशासन र सक्रियता जरुरी छ । स्टाफसँग तालमेल कायम गर्नु उत्तम हुनेछ ।
कर्कट (हि, हु, हे, हो, डा, डि, डु, डे, डो)
मन रमाउने दिन, यात्राको सम्भावना छ । प्रेममा नयाँ प्रस्ताव मिल्न सक्छ । कुनै अड्किएको प्रशासनिक काम बन्नेछ । लगानी गर्न चाहनुहुन्छ भने जीवनसाथीको नाममा गर्नु लाभदायक हुनेछ ।
सिंह (मा, मि, मु, मे, मो, टा, टि, टु, टे)
विरोधीहरू सक्रिय हुने दिन, संयमित र सतर्क रहनुहोस् । अध्ययन वा बौद्धिक प्रतिस्पर्धामा सफलता मिल्नेछ । पुराना सहयोगी प्रतिस्पर्धामा आउन सक्छन्, तर तपाईंले आत्मबलका साथ काम अघि बढाउनु पर्छ ।
कन्या (टो, प, पि, पु, ष, ण, ठ, पे, पो)
पढाइ र सिर्जनात्मक कार्यमा सफलता मिल्ने दिन छ । वैज्ञानिक, प्रविधि र अनुसन्धानतर्फको झुकाव बढ्नेछ । नयाँ ज्ञान प्राप्त गर्ने समय हो । कल्पनाशीलता बढ्नेछ तर काममा ध्यान केन्द्रित गर्नुपर्छ ।
तुला (र, रि, रु, रे, रो, ता, ति, तु, ते)
सहकर्मी वा साथीहरूसँग मनमुटाव हुन सक्छ, धैर्य आवश्यक छ । केही लाभदायक कारोबारबाट फाइदा मिल्नेछ । दाम्पत्यमा चिसोपन हुन सक्छ, गोप्य कुरा लिक हुँदा सावधान रहनुहोस् ।
वृश्चिक (तो, ना, नि, नु, ने, नो, या, यि, यु)
सार्वजनिक वा सामाजिक काममा ध्यान केन्द्रित हुनेछ । करियरमा परिवर्तन वा उच्च शिक्षा सम्बन्धी सोच आउनेछ । पुराना समस्याहरू सुल्झाउने प्रयास गर्नुहोस् । कामको चाप बढ्न सक्छ, सन्तुलन आवश्यक छ ।
धनु (ये, यो, भ, भि, भु, ध, फा, ढ, भे)
अतिरिक्त आम्दानीको सम्भावना, नयाँ जिम्मेवारी पनि प्राप्त हुन सक्छ । अध्ययन वा गणितीय काममा ध्यान दिनु राम्रो हुन्छ । कुनै आकस्मिक निर्णयले असहज स्थिति सिर्जना गर्न सक्छ, विचारपूर्वक अघि बढ्नुहोस् ।
मकर (भो, ज, जि, खि, खु, खे, खो, गा, गि)
घरपरिवारमा सुखद वातावरण रहनेछ । भावनात्मक क्षणहरू अनुभव हुन सक्छन् । नयाँ रणनीति बनाएर काम गर्दा आर्थिक स्थिति सुधार हुनेछ । अनुसन्धान र पढाइमा राम्रो प्रगति हुनेछ ।
कुम्भ (गु, गे, गो, सा, सि, सु, से, सो, द)
व्यवसायमा लाभ हुने संकेत भए पनि लगानीमा सतर्कता अपनाउनुहोस् । खर्च बढ्न सक्छ, ऋण लिने सम्भावना छ । अध्ययनमा मन नलाग्न सक्छ, मनोबल घट्न नदिन आत्मसंयम आवश्यक छ ।
मीन (दि, दु, थ, झ, ञ, दे, दो, च, चि)
शत्रुबाट सजग रहनुहोस्, तर परिश्रमले सफलता मिल्ने दिन हो । व्यक्तिगत खुसी र प्रेम सम्बन्ध सुधार गर्न प्रयास गर्नुहोस् । पारिवारिक मामिलामा केही तनाव आउन सक्छ, तर संवादमार्फत समाधान खोज्न सकिन्छ ।
