नेपाल र अष्ट्रेलियाबाट युरोप यात्रा गर्ने यात्रुहरूका लागि नयाँ सुरक्षा नियम लागू हुँदैछन्। युरोपेली संघ (EU) ले सन् २०२५ को अक्टोबर १२ देखि गैर-युरोपेली नागरिकहरूको युरोप प्रवेशमा EES (इन्ट्री/एक्जिट सिस्टम) लागू गर्ने निर्णय गरेको छ।
यस नयाँ प्रणाली अनुसार, ९० दिन वा सोभन्दा बढी समय युरोपमा बस्ने गैर-युरोपेली नागरिकहरूले युरोपको सीमा प्रवेश गर्दा अनिवार्य रूपमा बायोमेट्रिक रेजिस्ट्रेशन गर्नुपर्नेछ। यस प्रक्रिया अन्तर्गत यात्रुका पासपोर्ट र यात्रा विवरणसँगै, औंठाछाप, अनुहारको फोटो र अन्य व्यक्तिगत जानकारी डिजिटल प्रणालीमा रेकर्ड गरिनेछ।
युरोपेली संघका अनुसार, यस प्रणालीको मुख्य उद्देश्य अनियमित आप्रवासनलाई रोक्नु, नक्कली पहिचानको पहिचान गर्नु र म्याद नाघेर युरोपमा बस्ने व्यक्तिहरूलाई चिन्हित गर्नु हो। यसले सुरक्षा र आप्रवासनको क्षेत्रमा पारदर्शिता ल्याउने र अपराध नियन्त्रणमा पनि मद्दत पुर्याउने विश्वास गरिएको छ।
यस प्रणालीले सीमामा कार्यरत सुरक्षा र कानून कार्यान्वयन निकायलाई यात्रुहरूको विस्तृत जानकारी उपलब्ध गराउनेछ, जसले अपराध र अवैध गतिविधिहरूलाई प्रभावकारी रूपमा ट्र्याक गर्न सहयोग गर्नेछ।
गैर-युरोपेली नागरिकहरूले युरोप प्रवेश गर्दा अब बायोमेट्रिक डाटा र व्यक्तिगत जानकारी दिनुपर्ने भएकाले सुरक्षा प्रक्रियामा कडाइ आउनेछ। यस कदमले युरोपको सुरक्षा प्रणालीलाई थप मजबुत बनाउने र यात्रुहरूको सुरक्षामा वृद्धि गर्ने अपेक्षा गरिएको छ।
